A sombra da sospeita.

Ante o aluvión de comentarios sobre as inacabables (son do ano 2005) e polemicas plazas de peón do noso concello, imos adicarlle un comentario, que ben o merecen.

Primeiramente, e segundo veridicas informacións, hai que sinalar que O EXAME TEN QUE SER REPETIDO, polo menos na proba teórica, no cal había que respostar 50 preguntas tipo test, xa que o enunciado da mesma valoraba cada resposta correcta con 0,25 puntos e cada incorrecta restaba 0,125 puntos, estando a valoración total entre 0 e 10 puntos.
Esto quere decir que si un opositor acertaba 41 preguntas e deixaba 9 en blanco, a súa puntuación debería de ser un 10,25, cousa non posible, xa que segundo o enunciado a máxima puntuación é un 10.
Do mesmo modo, os opositores que tiveron un 10 por ter un exame perfecto, deberían ter un 12,5.

O que non chego a comprender é a capacidade de complicación do "ilustrad@" que fixo o enunciado dese exame e que está nas bases das prazas, son gañas tremendas de complicarse a vida. Acaso é tan dificil poñer que, cunha valoración de 0 a 10 puntos, cada resposta correcta vale 0,20 puntos e cada incorrecta resta 0,10 puntos. Tan sinxelo como eso, e xa non teriamos problema nese senso.

Por outra banda, hai que sinalar que sobre a sospeita de que poido haber "chanchullos" para favorecer a un opositor que fixo un exame perfecto en pouco máis de 5 minutos, sinalar que cando máis da metade dos opositores presentan un escrito para denunciar uns indicios que os levan a pensar que poido haber trampa, a cousa é para, polo menos, facer unhas serias comprobacións sobre o tema.

Pois, é bastante clarividente que cando moitos opositores que non se coñecen entre si, non teñen relación, son de sitios distintos e, indudablemente, terán ideas politicas dispares, chegan a esa conclusión, a cousa é para meditala con paciencia. O unico nexo en común que teñen, é que, tras moitos esforzos, tratan de competir en igualdade para asegurarse un posto de traballo, que non é pouco.

Por esto último tamén, o tribunal ten a obriga moral, como minimo, de suspender o derradeiro exercicio e crear unha comisión de investigación allea ao tribunal (un pouco seria e non presidida polo Sr. Alcalde que xa preside o tribunal) e investigar o sucedido.

Si logo desta investigación se observa que todo foi legal, pois adiante, e noraboa aos aprobados, en caso contario, habera que repeti-las probas e esixi-las responsabilidades que correspondan.

Outro motivo máis para suspende-la proba, é que en caso contario, e que siga adiante , os aprobados (sobre todo si uns dos aprobados é sobre o cal caen as sospeitas) teran sempre sobre o seu lombo a sombra da sospeita, e o propio Concello de Fene quedará marcado como un concello corrupto neste tema.

Por unhas oposicións claras e limpas,

COMISIÓN DE INVESTIGACIÓN, XA!